اقتطاعات بيبال عند إرسال المال من حساب إلى آخر

اقتطاعات بيبال عند إرسال المال من حساب إلى آخر

إخواني المتسوقين، أخواتي المتسوقات واحد السلام عليكم
اليوم جبت لكم الخبر اليقين في اقتطاعات بيبال … (اللي ماتايعرفش شنو هو بيبال، يمكن له يطلع على هاد الموضوع:  شنو هو بيبال Paypal ولاش تايصلاح)
كيما تاتعرفو فبعض المواقع الصينية مثل جيربيست تاتعامل ببيبال وكان السؤال الدائم للاعضاء الجدد واش هاد بيبال تايقطع شي حاجة عند التسجيل والشراء ولا لا؟
الجواب ديال هاد السؤال:
طبعا لا يقتطع أي شيء … التسجيل فابور والشرا فابور يعني غير اللي ما بغاش. لكن البياعة اللي تايبيعو لينا هما اللي تايقتاطعو لهم.

لكن ديالاش هاد الاقتطاعات اللي تاتدوي عليها؟

كيما تاتعرفو .. هاد البلية ديال الشراء من المواقع الصينية ولات إدمان عندنا يعني تاتبقى هادي سويعة زوينة نشريها، هذا بورطابل نشريه، هذا صويك اراه لهنا… حتى تاتجيب التمام لديك الدوطاسيون اللي عاطيينا فلاكارط بونكير واللي حابسينها في 10000 درهم سنويا (الله ياخد فيهم الحق على التحنسيرة اللي دايرين لنا)
تانوليو مضطرين نشريو الصولد فبيبال باش نقدرو نتقضاو من جيربيست أو بانككود (هاد الشراء د الصولد بيبال اللي ماتايخلاش من المخاطر .. راكم عارفين المغاربة يبيعلك الصولد من هنا وتخلصو يدا ليد ويمشي يدير شكاية فبيبال ويرد فلوسو يعني ماتشري غير من بنادم اللي تاتعرف مزيان)
لكن داك المبلغ اللي تانشريو ديما تايوصل لينا ناقص (حاجة طبيعية مايمكنش يخدم بيبال غير في سبيل الله) لكن ما تانعرفوش شحال الاقتطاع.
واخا كاين بعض البرمجيات اللي تاتحسب داكشي لكن ماعمرها جابت الحساب هو هاداك.
اليوم من بعد التساؤل ديال أحد الاعضاء مشيت درت بحث صغير ولقيت المعطيات المطلوبة:

لكل مبلغ مابين 0$ و 3000$ الاقتطاع هو 4,4% من المبلغ + 0,3$
يعني مثلا صيفطلي شي واحد 100$ غادي ياخذو منها 4,4$ + 0,3$ = 4,7$
غادي توصلني 100$-4,7$ = 95,3$
سيفطلي شي واحد 200$ غادي يقتطعو 8,8$ + 0,3$ = 9,1$
غادي توصلني 200$-9,1$= 190,9$
يمكن لكم تطالعو على مواضيع أخرى متعلقة ببيبال:
ايلا عندكم شي أسئلة أو باغيين شي كوبون لمنتج من منتجات جيربيست ممكت تلتحقو بنا في مجموعتنا على الفيسبوك:

عن Zade

مدون مغربي أعشق كل ما له علاقة بالتكنولوجيا. أقوم بعملية التسوق من العديد من المواقع الصينية منذ ما يفوق السنة. أبحث دائما عن العروض المميزة قصد الاستفادة منها. أحب مساعدة الآخرين بخبرتي المتواضعة في هذا المجال.

شاهد أيضاً

الشرح الشامل لكيفية الاستفادة من نقط موقع جيربست

الشرح الشامل لكيفية الاستفادة من نقط موقع جيربست خواتاتي ، خوتي… ها واحد السلام عليكم. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.