الرئيسية / المدونة / البيان والتبيين في 11.11 عيد عزاب الصين

البيان والتبيين في 11.11 عيد عزاب الصين

البيان والتبيين في 11.11 عيد عزاب الصين

البيان والتبيين في 11.11 عيد عزاب الصين

11.11

مجموعة من الأعضاء سمعوا ب 11.11 لكن ماعارفينش شنو تاتعني هذه الأرقام .. واش نهار؟ ساعة؟ معدل البكالوريا؟ …

11.11 أو الحادي عشر من شهر نونبر من كل سنة هو عيد العزاب عند الصينيين …
(كيدرتي عرفتيها؟ من كثرة ما تابع الهميزات وليت نعرف أعيادهم الدينية والوطنية وحتا أعراسهم تا هي هههههه)
في هذا اليوم جميع المواقع الصينية تاتدير تخفيضات حصرية للرفع من عدد المبيعات. ومانعاوش لكم على بوهيوف اللي تاينوض!!

لكن واش هادشي بصاح ولا غير كذوب؟؟

تقول الأسطورة أن هادشي كله غير طريقة للماركوتينغ باش الشناوا يزيدو المبيعات ديالهم بحيث أن بعض المواقع تاترفع ثمن السلعة من قبل هاد المناسبة وتاتخفضها نهار العيد باش يبان بأنها نقصات من الثمن.

الحقيقة …أكيد أن بعض المواقع تاتستعمل هاد الطريقة باش تصيد بنادم اللي جديد بحيث تايبانليه تخفيض ديال 75% تايشوف الربيع ماتايشوف الحافة، لكن بالمقابل تاتدير بعض المواقع تخفيضات حقيقية اللي فعلا تاتكون همزة. السنة الماضية شريت من جيربيست هميزات ب 0.01$ زائد مصاريف الشحن وأهم همزة خديت هي واحد التلفون اللي تايدير 60$ خديتو ب 11.11$.

لكن باش نكونو واقعيين الهمزة ماغاديش تتسناك تاترشق لك أنت بالسلامة تجي تاخدها راه تاتنوض المخاطفة عليها (ماشي بحال القوالب ديال جوميا لكن كلشي تايزرب باش يشري) هاداك التلفون اللي خديت كانو 50 بياسة منو وكان عندي كوبون وقالو بأنه غادي يكون مفعل في الثلاثة د العشية بقيت نجربو نجربو تا داز وشريت.

كاين مواقع اللي تايديرو 5 تلفونات مثلا ب 11,11$ ولا تلفون غالي ب 111$ هادو غير ما تفكرش تشارك معاهم بهاد سرعة الحلزون اللي عندنا ككونيكسيون

شنو خصني ندير تا أنا باش نصيد الهميزات؟

1. تكون محدد شنو باغي تشري وعارف الأثمنة ديالهم باش ماتقولبش.

2. ماتشريش أي حاجة غير لأنها رخيصة .. ماتديروش بحالي ولا عندي قنت عامر غير بالسلعة د الشناوا وصدقت تانبيعهم في الكروب هنا بأبخس الأثمان.

3. تتبع مجموعات جيربيست في الفيسبوك حيث تايحطو الكوبونات اللي تنقص بهم ثمن السلعة (ايلا كتب الله غادي نحطو تا حنا فمجموعتنا أي كوبون لقيناه)

4. الهموز ماتاتكونش غير يوم 11.11 تاتبدا من 8 أو 9 نونبر يعني بقى عينيك ع القرص!!

5. وجد كونط جديد ماعمرك شريتي بيه لأن موقع جيربيست مثلا تايدير كوبونات خاصة فقط بالأعضاء الجدد (العام اللي فات زكلت شي كاميرات هموز كانوا دايرين الكوبون غير للاعضاء الجدد)

6. فاش تشري السلعة سيفطها بالبريد المسجل باش توصلك دغيا حيث العام اللي فات كاين الناس اللي بقاو يتسناو السلعة ديالهم 5 و 6 أشهر خصوصا في موقع علي اكسبريس

7. قبل 11.11 بأيام تايدير علي إكسبريس ثمن السلعة وتايدير تا الثمن اللي غايولي يوم 11.11 على الأقل تاتعرف واش الثمن مناسبك وتقدر تحط السلعة اللي بغيتي فالسلة تالنهار الموعود

8. الشراء بتطبيقات المواقع على الهواتف الذكية في الغالب تايكون قل من الشراء بالبيسي … دونك الخبار فراسك

9. معلومات البطاقة البنكية أو بيبال خاصها تكون ديجا مدخلة في الموقع ومأتيفي لاكارط وداير الدوطاسيون باش ماتضيعش الوقت خصوصا في حالة السلع محدودة العدد.

10. ايلا فكرتي تشري تلفون أو طابليط عول على أنك غاتخلص الديوانة ويلا سيفطتيه فأرامكس أو DHL وتشد غادي يحيدولك الجلدة لذلك سيفطو في البريد المسجل احسن لك، تا ايلا تشد غاتخلص غير الديوانة ماشي ارامكس والديوانة.

11. فاش تجي تشري شي سلعة شوف بعدا الخصائص ديالها واش صالحة تخدم في المغرب ولا لا.

هادشي اللي بان لي دابا ويلا كانت شي حاجة أخرى نزيدها!!

 

اللي بغا يقرا الموضوع الأصلي ولا يسول على شي حاجة ممكن يلتحق بنا في مجموعتنا على الفيسبوك:

https://www.facebook.com/groups/AliExpressPourMarocains/permalink/1944755879122101

عن Zade

مدون مغربي أعشق كل ما له علاقة بالتكنولوجيا. أقوم بعملية التسوق من العديد من المواقع الصينية منذ ما يفوق السنة. أبحث دائما عن العروض المميزة قصد الاستفادة منها. أحب مساعدة الآخرين بخبرتي المتواضعة في هذا المجال.

شاهد أيضاً

Xiaomi-Mi-Band-3-vs-Xiaomi-Mi-band-2

ها علاش خاصك تفكر تشري Xiaomi Mi Band 3…

  السوار الذكي تشياومي مي باند الإصدار الثالث خرج وبدا كايتباع مؤخرا… إيلا كنتي أصلا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.