الرئيسية / المدونة / شنو هو الكوبون وكيندير نحصل عليه؟

شنو هو الكوبون وكيندير نحصل عليه؟

شنو هو الكوبون وكيندير نحصل عليه؟

coupon 2

السلام عليكم

بزاف د الناس تايسمعو الكوبون و ماعارفينش هاد الكلمة شنو تاتعني … تايسمعو غير قبل الكوبون، بعد الكوبون و وتايبقاو ضايخين شنو هو هاد الكوبون اللي الناس تاتهافت عليه وكلشي تايسربي باش يشري بيه …

داكشي علاش قررنا نديرو هاد الموضوع باش نشرحو للناس شنو هو الكوبون؟ علاش كانستعملوه؟ فاش كايفيد؟ كيفاش نحصلو عليه؟ …

شنو هو الكوبون؟

الكوپون Coupon ، هاد التسمية جاية من الفعل الفرنسي الأصل couper، اللي كا يعني “قطع” (ماشي شرگ گطع!). الكوپون هو واحد الوريقة صغيرة كايطبعها البائع فشي ورقة خاصة، ولا فشي جريدة ولا مجلة، وكاتكون مكتوبة فيها معلومات خاصة بالنسبة ديال التخفيض اللي كايعطيها الگوپون وكذلك تاريخ انتهاء العرض ديال الصولد. هاد الكوپون كايقطعها المشتري ملي كايتوصل بها وكايديها للبائع، وكا يعطيها ليه ملي كايبغي يخلص ف la caisse، وكايحصل بالتالي على التخفيض في الثمن.

هادشي بان هادي شحال ملي بدات التجارة كاتتطور، وثقافة الاستهلاك المكثف كاتنتشر. خبراء ديال الماغكوتينغ اكتشفوا أن هاد الطريقة كاتساهم في جلب عدد اكبر من المشتريين وكذلك كاتزيد فنسبة الوفاء ديال هاد المشتريين للبائع.

معلومة هامة : الكوپون، على حسب البائع والعرض ديالو، يقدر يكون خاص غير بمنتوج معين، يقدر يكون خاص بفئة معينة من المنتوجات (الإلكترونيك، النظافة، الكتب…)، ويقدر يكون خاص بكافة السلع. على حاساب ça dépend…

الكوبون حاليا في عصر الأنترنت…

حاليا، الكوپون ما بقاش مادي (مطبوع في ورقة)، ولا على شكل كود كايتكون من أرقام وحروف لاتينية. المشتري ملي كايتوصل بهاد الكوپون، كايدير السلعة اللي فيها تخفيض فسلة المشتريات ديالو، وملي كايبغي يخلص السلعة بلاكارط ديالو ولا ب پايپال، كايكتب داك الكود فواحد المكان مخصص ليه، وملي كا يكليكي و كا يڤاليديه الثمن كاينقص.

كيفاش نحصل على هاد الكوبون؟

ممكن تحصل على الكوبون بطرق عدة، منها بالدرجة الأولى الإشهارات اللي كايديرو البائعين فالمواقع ديالهوم، أو يقدروا يرسلوها للمشتريين فالعلب البريدية الالكترونية ديالهوم. يقدروا ينشروها فمواقع التواصل الاجتماعي. المهم، شلا طرق هوما باش يحطوا الكوپونات …

كاينين مواقع مختصة فنشر الكوپونات ديال عدد كبير ديال المتاجر والبائعين. سير غير لگوگل و كتب coupon و زيد عليه سمية ديال منتوج ولا بائع وارا ما تبقش تماك وتجرب.

أهم مصدر لكوبونات موقع جيربيست تقدر تلقاه هو مجموعتنا على الفيسبوك. علاش؟ حيث أولا تانتوصلو بالكوبونات قبل أيتها الناس حيث عندنا اتصال مباشر بأدمينات جيربيست، بالإضافة إلى أننا ممكن نديرو الطلب على أي كوبون حتاجيتيه، طبعا المسألة تاتطلب شوبة د الوقت لكن في الأخير تاتحصل على الكوبون اللي بغيتي.

 

ايلا بغيتي تعرف معلوامت إضافية على الكوبونات ممكن تقرا هاد الموضوع: معلومات حول كوبونات جيربيست

 

ايلا بغيتي تطلب شي كوبون لشي سلعة ممكن تزور مجموعتنا على الفيسبوك:

www.facebook.com/groups/AliExpressPourMarocains

 

 

عن Zade

مدون مغربي أعشق كل ما له علاقة بالتكنولوجيا. أقوم بعملية التسوق من العديد من المواقع الصينية منذ ما يفوق السنة. أبحث دائما عن العروض المميزة قصد الاستفادة منها. أحب مساعدة الآخرين بخبرتي المتواضعة في هذا المجال.

شاهد أيضاً

الهاتف الخارق Xiaomi Black Shark هدية شركة تشياومي لعشاق الألعاب Gamers

الهاتف الخارق Xiaomi Black Shark هدية شركة تشياومي لعشاق الألعاب Gamers و تستمر مفاجآت تشياومي، …

2 تعليقان

  1. برافو تشي كوبون بروجلة ههه

    • مرحبا…
      كوبون ديال اينا منتوج؟؟؟
      إيلا كنتي مازال ما دخلتي للمجموعة ديالنا فالفايسبوك، راك مضيع على راسك كوبونات يومية هههه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *