الرئيسية / أشهر مواقع التسوق الصينية / GearBest.com / معلومات حول كوبونات جيربيست

معلومات حول كوبونات جيربيست

السلام عليكم

أول حاجة الناس اللي ماعرفينش شنو هو الكوبون يمكن ليهم يقراو هاد الموضوع باش يفهمو أكثر: شنو هو الكوبون وكيندير نحصل عليه؟

من بعد ما تعرفتو على شنو هو الكوبون، كاين بعض المعلومات اللي ضروري لكل مشتري باغي يستخدم كوبونات جيربيست يكون عارفها، وهي كالتالي:

coupon 3

معلومات حول كوبونات جيربيست:

1. واحد الفكرة رايجة عند مجموعة من الناس وهي أن كل منتج عندو كوبون. هاد الفكرة خاطئة … كوبونات جيربيست تاتكون فقط للسلع اللي بغى الموقع يبيع منها بزاف يعني باغي يروج السلعة اما لأنها جديدة أو لأنها بقات ليه فراسو أو لأنه كاين منتجات جديدة فالسوق وخاصو يبيع هادو اللي كاينين قبل ما تدخل عليهم سلعة أخرى أكثر تطورا …

وكاين نوع آخر من الكوبونات اللي تاتكون تحت الطلب، يعني شي واحد من أعضاء مجموعتنا على الفيسبوك طلب لينا كوبون مثلا، تانطلبوه للأدمينات د جيربيست وهما بدل ما يخرجو الكوبون خاص ببياسة واحدة تايخرجوه خاص لـ 20 ولا 30 ولا 100 بياسة باش كاع اللي بغى يشريه تايشريه. لذلك خاصكم تديرو فبالكم أنه ماشي أي سلعة لقيتوها غادي تلقاو ليها كوبون.

2. في بعض الأحيان، تاتخدم شي واحد من كوبونات جيربيست وتاتلقى الثمن بدل ماينقص تايتزاد، كيفاش هادشي؟ لنفرض أنه مثلا واحد السلعة تاتدير في الثمن الأصلي ديالها 100 دولار وحاطين كوبون تاينقص منها 20$ يعني تاتولي ب 80$ لكن انت فاش تاتجي واحد النهار ولا واحد الوقت تخدم الكوبون تاتلقاهم هما دايرين السلعة في البيع السريع غير ب 70$ فاش تاتدير الكوبون تاتولي ب 80$ تاتقول مال هاد العجب ماخدامش؟

3. في بعض الأحيان الكوبون تايكون محدد من حيث العدد، تايكون الكوبون خدام مثلا غير ل 50 بياسة، غير تايساليو ماتايبقاش خدام لذلك بنادم كلما زرب غايستافد.

4. بعض الكوبونات تايحددو لك فيهم عدد البياسات اللي غادي تشري، مثلا عندك الحق أنك تشري بالكوبون غير 2 أو 3 د البياسات، فاش تاتجي تشري الرابعة تاتلقاه إكسبيري مع العلم أنه تايبقى خدام لأعضاء آخرين ماوصلوش للعدد د البياسات اللي شريتي انت.

5. بعض كوبونات جيربيست تاتكون محددة بالزمن، مثلا ماغايبدا المفعول ديال الكوبون حتى ل 15h00 مثلا، لذلك فاش تاتجربو قبل هاد الوقت تاتلقاه تايعطيك إكسبيري.

6. بعض الكوبونات ممكن تشري جوج بياسات فدقة واحدة والبعض الآخر تايعطيوك أنك تشري بوحدة بوحدة لذلك فاش تبغي تشري مثلا 2 ديرهم فدقة واحدة في السلة وجرب الكوبون ايلا نقصلك الثمن للبياسات بجوج مزيان نقص غير لوحدة ارجع دير غير واحدة في السلة وشري بوحدة بوحدة.

7. لا يمكن الجمع بين سلعتين تخدم لهم الكوبونات بجوج فدقة واحدة خاصك تشري كل واحدة بوحدها.

8. يمكن تشري جوج ولا أكثر د السلع وتدير كوبون يخدم غير لواحدة فيهم ويجيوك مجموعين. مثلا ايلا عندي كوبون لساعة وبغيت نشري معاها كيط، ممكن نديرهم فالسلة بجوج وندير الكوبون د الساعة وتاينقص الثمن د الساعة والكيط تايدوز بالثمن العادي.

9. الكوبونات عندها مدة الصلاحية يعني ماشي غادي تاخذ كوبون د العام اللي فات أو الشهر اللي فات وتقول راه غايخدم لك دابا، إلا ايلا عاودو جددو نفس الكوبون لنفس السلعة

10. الكوبون يصلح لسلعة معينة يعني ايلا بدلتي مثلا اللون أو لاطاي يقدر مايخدمش لك.

11. الكوبونات محددة من حيث البلد، يعني الكوبونات اللي تخدم في المغرب والجزائر ماتخدمش في فرنسا أو أوروبا مثلا الا ايلا زادوها في الدول التي يستخدم فيها الكوبون.

12. تقدر تلقى عدة كوبونات لنفس المنتج لكن بأثمنة مختلفة لذلك قلب في المجموعة باسم السلعة وشوف افضل ثمن وجرب الكوبون ديالو.

13. تقدر تلقى في بعض الأحيان الثمن ديال البيع السريع أفضل من أي كوبون لذلك فاش ندير لكم فشي موضوع: البيع السريع .. ها الثمن اعرف أن الثمن راه مزيان.

14. كاين كوبونات لسلع معينة وكاين كوبونات للأصناف les catégories يعني مثلا تاينقص 50% من ثمن جميع النظارات

15. كاين كوبونات لجميع أنواع السلع في موقع جيربيست لكن في الغالب تايكون داكشي اللي تاينقصوه قليل مثلا كان واحد الكوبون GB9%

 

فوقاش مايخدموش ليك كوبنات جيربيست؟

مايخدمش لك الكوبون ايلا سبق لك شريتي بيه وهما دايرين إمكانية تشري غير بياسة واحدة بيه أو ايلا كنتي غادي تشري ولغيتي الشراء أو مادازش لك. فهاد الحالة خاصك تدير كونط جديد في جيربيست باش تقدر تشري بهاد الكوبون.

 

ايلا كانت عندكم شي تساؤلات ولا ايلا بغيتو تطلبو شي كوبون أو بغيتو كوبونات جيربيست ممكن تزورونا على مجموعتنا في الفيسبوك:

www.facebook.com/groups/AliExpressPourMarocains

عن Zade

مدون مغربي أعشق كل ما له علاقة بالتكنولوجيا. أقوم بعملية التسوق من العديد من المواقع الصينية منذ ما يفوق السنة. أبحث دائما عن العروض المميزة قصد الاستفادة منها. أحب مساعدة الآخرين بخبرتي المتواضعة في هذا المجال.

شاهد أيضاً

Xiaomi-Mi-Band-3-vs-Xiaomi-Mi-band-2

ها علاش خاصك تفكر تشري Xiaomi Mi Band 3…

  السوار الذكي تشياومي مي باند الإصدار الثالث خرج وبدا كايتباع مؤخرا… إيلا كنتي أصلا …

تعليق واحد

  1. الله احفظك اخويا زاد بالتوفيق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.