الرئيسية / أشهر مواقع التسوق الصينية / GearBest.com / فوقاش نراسل جيربيست على سلعة ماوصلاتنيش وكيندير نراسلهم

فوقاش نراسل جيربيست على سلعة ماوصلاتنيش وكيندير نراسلهم

فوقاش نراسل جيربيست على سلعة ماوصلاتنيش وكيندير نراسلهم

السلام عليكم
مجموعة من الإخوة والأخوات تايتشكاو من أن السلع اللي شراوها تعطلات عليهم وتايبغيو يديرو شكاية عند السيبور ديال موقع جيربيست … البعض تايسيفط فالماسنجر والبعض تايسيفط في الإيمايل … لكن واش كلشي تايتوصل بالجواب؟ أكيد لا!!

message gearbest_2

أولا فوقاش خاصني نراسل جيربيست على السلعة ايلا تعطلات؟

ايلا كان موقع علي إكسبريس تايعطيك الحق أنك تطالب بفلوسك ايلا ماتوصلتيش بالسلعة قبل ماتدوز 60 يوم (مدة الحماية) فموقع جيربيست ماتايتناقش معاك فهاد الأمر إلى بعد مرور 60 يوم ابتداء من يوم ارسال السلعة (ايلا نسيتيها تا فاتت 90 يوم ماتاتبقى تسال والو)

كيفاش ندير نطالب بحقي؟

باش تطالب برزقك في موقع علي إكسبريس تاتفتح مايسمى بالليتيج أو الشكاية عند موقع علي إكسبريس باش تاخذ فلوس السلعة اللي ماوصلاتكش أو وصلاتك مهرسة … لكن في موقع جيربيست ماكاينش فتح ليتيج كاين إرسال رسالة للسيبور وهما تايجاوبوك في أقل من 24 ساعة وهذا هو الشيء اللي تايميز موقع جيربيست وهو السيبور السريع ديالو.

لكن، أنا ارسلت لهم رسالة ودازت 3 ايام أو أكثر وماجاوبونيش، علاش زعما؟

فاش تاتسيفط رسالة في الماسينجر أو في الايمايل (الاختيارات اللي موجودة في تطبيق الموقع) بحال ايلا درتي رسالة فشي قرعة ورميتيها في البحر. شوف واش توصل ولا لا، ويلا وصلات واش غادي يشدها الشخص المناسب ولا لا؟

علاش؟ حيث كل واحد فالسيبور متخصص فحاجة معينة … ها اللي مكلف بالسلع اللي ماتوصلوش بها الناس، ها اللي مكلف بتغيير عناوين الارسال للناس اللي بغاو يبدلو العنوان …

لذلك فضروري تدخل لنسخة الموقع (ماشي التطبيق) سواء على الحاسوب أو من التلفون وفهاد الحالة تختار شنو نوع الرسالة اللي باغي تسيفط. كيما تايبان لكم في الصورة كاين اختيارات تاتختارها انت باش تاتحدد الوجهة اللي غادي تمشي لها الرسالة وفهاد الحالة أكيد غادي تتوصل بالجواب بسرعة.

support
ديرو فبالكم واحد القضية، السيبور ديال جيربيست تايجاوبك في الأول بإجابات سطوندار: واش هاد العنوان هو العنوان اللي سيفطتي ليه السلعة؟ واش سولتي على السلعة ديالك في البوسطة ديالكم؟…

لذلك خاص بنادم يتحلى شوية بالصبر ويجاوب بكل أدب، حيث العيب ماغادي تربح منو والو. وزيد على هادشي أنهم عندهم قوانين محددة فمثلا ايلا مادرتيش التأمين على الشحن ماعندكش الحق تطالب بفلوسك كاملة … تايبقى داك الساعة طريقتك في الإقناع والشطارة هي اللي تاتنفع يكفي أني نعطيكم مثال ديال تلفون كنت شريتو ب 119$ في أول الأمر قالولي نردولك 24$ ومن بعد وصلتها معاهم تال 100$

بس: ايلا كنتي مثلا ماتوصلتيش ب 3 السلع ولا عندك ملاحظات على 3 السلع مثلا ماتديرش رسالة واحدة وتجمع فيها كلشي، خاصك تدير رسالة لكل سلعة.

 

ايلا كانت عندكم شي تساؤلات ولا ايلا بغيتو تطلبو شي كوبون  ممكن تزورونا على مجموعتنا في الفيسبوك:

www.facebook.com/groups/AliExpressPourMarocains

عن Zade

مدون مغربي أعشق كل ما له علاقة بالتكنولوجيا. أقوم بعملية التسوق من العديد من المواقع الصينية منذ ما يفوق السنة. أبحث دائما عن العروض المميزة قصد الاستفادة منها. أحب مساعدة الآخرين بخبرتي المتواضعة في هذا المجال.

شاهد أيضاً

عرض جديد على موقع جيربيست

حصريا: عرض جديد على موقع جيربيست

العرض الجديد على موقع جيربيست كما لا يخفى عليكم فقد ظهر في الآونة الأخيرة، وعلى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.