الرئيسية / أشهر مواقع التسوق الصينية / GearBest.com / المدة الزمنية للأداء للاستفادة من العروض في جيربيست

المدة الزمنية للأداء للاستفادة من العروض في جيربيست

المدة الزمنية للأداء للاستفادة من العروض في جيربيست

السلام عليكم
فواحد من الإيمايلات اللي ارسلها لي جيربيست فاش شريت منو، لقيت بعض المعلومات المهمة اللي شحال من مرة سولو عليها الأعضاء د مجموعتنا وبغيت نتقاسمها معكم (يمكن يكون البعض منكم عارفها من قبل) وهي بالنسبة للسلع اللي ماخلصتوهاش فاش جيتو تشريو

علاش تانديرو هاد العملية؟

مثلا في موقع علي إكسبريس فاش تاتلقى شي همزة وماتاتبغيش تضيعها وأنت ماعندك تا ريال فلاكارط، تاتدير راسك بحال ايلا غاتدوز الكوموند وفاش تاتوصل لمرحلة تأدية الثمن تاتحبس وتاتخلي العملية معلقة، تاتمشي تعمر الدوطاسيون وعاد تاتكمل التدواز د الكوموند.

بالنسبة لموقع جيربيست كاين فيه نفس القضية لكن تايديرو بعض الشروط:

–> بالنسبة لطريقة الأداء أون لاين:

+ بالنسبة للسلع اللي شريتي في العروض العادية يعني ماخديتيهاش بكوبون محدد بالزمن أو ماكانتش في البيع السريع وما خلصتيش ثمنها في الحين، غادي تحذف الكوموند من بعد 24 ساعة ايلا ما توصلوش بالخلاص؛

+ بالنسبة للسلع اللي شريتي في العروض المحدودة (الهميزات د البيع السريع والديسطوكاج أو بكوبون محدد في الوقت) واللي ما خلصتيش ثمنها، غادي تحذف الكوموند من بعد 30 دقيقة ايلا ما توصلوش بالخلاص.

–> بالنسبة لطريقة الأداء أوف لاين

(وهنا غادي نرجعو لطريقة الأداء البنكي اللي بانت مؤخرا في الموقع واللي لحد الآن ماعارفينش واش غادي يعتمدوها نهائيا في الخلاص ولا لا):

+ بالنسبة للسلع اللي شريتي في العروض العادية واللي ما خلصتيش ثمنها، غادي تحذف الكوموند من بعد 15 يوم ايلا ما توصلوش بالخلاص فهاد المدة؛

+ بالنسبة للسلع اللي شريتي في العروض المحدودة (الهميزات د البيع السريع والديسطوكاج) واللي ما خلصتيش ثمنها، غادي تحذف الكوموند من بعد 4 ايام ايلا ما توصلوش بالخلاص.

 

 

عن Zade

مدون مغربي أعشق كل ما له علاقة بالتكنولوجيا. أقوم بعملية التسوق من العديد من المواقع الصينية منذ ما يفوق السنة. أبحث دائما عن العروض المميزة قصد الاستفادة منها. أحب مساعدة الآخرين بخبرتي المتواضعة في هذا المجال.

شاهد أيضاً

Xiaomi-Mi-Band-3-vs-Xiaomi-Mi-band-2

ها علاش خاصك تفكر تشري Xiaomi Mi Band 3…

  السوار الذكي تشياومي مي باند الإصدار الثالث خرج وبدا كايتباع مؤخرا… إيلا كنتي أصلا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.