الرئيسية / Unboxings / Reviews / السوار Xiaomi Miband 2 سوار ذكي بثمن مناسب

السوار Xiaomi Miband 2 سوار ذكي بثمن مناسب

السوار Xiaomi Miband 2 سوار ذكي بثمن مناسب

من بين المنتجات ديال شركة تشاومي اللي تاتباع بحال البتي بان كاين السوار الذكي Xiaomi Miband 2 اللي هو النسخة الثانية من السوار الذكي اللي صنعات الشركة. يكفي أني نقولكم أنه هو المنتج رقم 1 من حيث المبيعات على موقع جيربيست.

بالطبع تايتميز هاد السوار عن النسخة السابقة بالجمالية ديالو، بالشاشة اللي تاتبان فيها مجموعة من المعطيات اللي غادي نتحدثو عليها من بعد وكذلك بأنه نسخة منقحة وفايتة الاولى ببزاف د الأمور.

شنو هو هاد Xiaomi Miband 2 ولاش تايصلاح؟

السوار الذكي Xiaomi Miband 2 هو عبارة عن جهاز أسود صغير تايجي مع سميطة سوداء من البلاستيك وكابل باش تشارجيه ودليل المستخدم، هادشي كامل تايجي فواحد الكريطينة بيضاء رائعة (باش تاتهلكني تشاومي غير بهاد لومبلاج اللي تاتدير للسلعة ديالها) …

في أول استخدام للبراسلي (طبعا من بعد ما تاتكون شارجيتيه مزيان) تاتأنسطالي واحد البرنامج في التلفون ديالك سميتو MiFit باش تاتحكم في السوار وتدير الاعدادات الأولية اللي بغيتي عن طريق لا سانكرونيزاسيون بالبلوتوث مابين التلفون والبراسلي.

هاد السوار خلاص تايكون فيه الساعة والتاريخ و تايمكنك من أنك تعرف عدد دقات القلب، عدد الكالوري اللي حرقتي، عدد الخطوات اللي مشيتي، عدد الكيلومترات اللي مشيتي، مدة النوم … هاد الإعدادات ممكن تديرهم في أول مرة ومن بعد، ما تحتاجش تدير السانكرونيزاسيون بالبلوتوث مع التلفون (بالطبع باش ماتهلكش الباطري ديال التلفون وديال السوار).

بالإضافة لهادشي كامل ممكن أنك تبرونشي البراسلي مع التلفون بالبلوتوث وتولي تستقبل الإشعارات ديال الواتساب، الفيسبوك، الماسنجر (تجيك غير النوتيفيكاسيون ماشي تقرا الميساج) وممكن تشوف تا اسم المتصل اللي تايتصل بك ولهاد الغرض خاصك تأنسطالي برنامج آخر اسمه Notify & Fitness for Mi Band.

اللي زوين فهاد البراسلي هو أنه تايكون طافي غير تاتهز يديك تشوف الساعة مثلا تايشعل … وممكن تدوز مابين هاد التواشا اللي تكلمنا عليهم غير بهزان اليد … إيه أسيدي العيييلم!! وراه “antipelliculaire” ممكن تغسل يديك وانت دايرو او تعوم بيه ومايوقع ليه والو!!

الزوين كذلك أن الشركات صنعو ليه سميطات بجميع الألوان وبجميع الأشكال … بلاستيك ومعدن وممكن تديرو تا فعنقك بسليسيلة ايلا بغيتي…

بالنسبة لاشارج غير شارجيه تال 100% ونساه … أنا مادايرش ليه لي نوتيفيكاسيون تايدوزلي تقريبا 30 يوم بشارج واحدة.

الثمن تايهبط فجيربيست تال 15,99$ بكوبون + مصاريف الشحن شي 3$
الصراحة براسلي مفيد جدا بالنسبة للناس اللي تايديرو الرياضة و تا اللي ماتايديروهاش … نهار درتو فيدي بقى بنادم غير تايبركك شنو داك السمطة اللي فيدي واللي تاتشعل فاش تانهز يدي …

بس 1: بالنسبة للبركاكة وفقهاء اللغة الفرنسية، ديك antipelliculaire اللي كتبت غير اقتباس من واحد النكتة!!

بس 2: هاد البراسلي فيه المدرح دونك ماتشريوهش من اي موقع كان!!

باش تتعرفو أكثر على السوار الذكي Xiaomi Miband 2 ممكن تشوفو الفيديو د فتح العلبة اللي درنا ليه

بالنسبة للناس اللي شراو Xiaomi Miband 2 وماعرفوش كيف يديرو الإعدادات، درنا لهم فيديو باش يسهل عليهم المأمورية.

 

لشراء السوار الذكي Xiaomi Miband 2 المرجو زيارة الرابط التالي: https://goo.gl/vFEqF7

للحصول على كوبون لتخفيض سعر السوار الذكي Xiaomi Miband 2 المرجو الالتحاق بنا على مجموعة الفيسبوك:

www.facebook.com/groups/AliExpressPourMarocains

عن Zade

مدون مغربي أعشق كل ما له علاقة بالتكنولوجيا. أقوم بعملية التسوق من العديد من المواقع الصينية منذ ما يفوق السنة. أبحث دائما عن العروض المميزة قصد الاستفادة منها. أحب مساعدة الآخرين بخبرتي المتواضعة في هذا المجال.

شاهد أيضاً

كيفاش تشري هاتف من الشينوا بلا ماتكون عندك مشاكل مع الديوانة؟

كيفاش تشري هاتف من الشينوا بلا ماتكون عندك مشاكل مع الديوانة؟ السلام عليكم ورحمة الله …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *