الرئيسية / أشهر مواقع التسوق الصينية / AliExpress.com / السمعة ديال البائعين في علي إكسپريس

السمعة ديال البائعين في علي إكسپريس

السمعة ديال البائعين في علي إكسپريس

خواتاتي/خوتي… السلام عليكم،

😅😅😅😅😅
موضوع اليوم : السمعة ديال البائعين فعلي إكسپريس

كيف ما كانعرفو، علي إكسبريس موقع كبير كايلاقي البائعين مع المشترين من جميع أنحاء المعمور. يعني هو مجال خصب للتجارة والمعاملات المالية وكايساهم فالرواج. وفي نفس الوقت، كايتوفر على نظام صارم ديال المعاملات المالية، كايضمن للمستعمل (بائعاً كان أو زبوناً) أن الفلوس ديالو ماتضيعش هاكداك والبيانات الشخصية البنكية الحساسة محمية.

ولكن…

وااااا لكن، هادشي ماكايمنعش أنه يكون هناك بعض الأشخاص نيتهوم خايبة، ومعولين على خزيت، وباغيين يهرفو على الناس…واقيلا عرفتوني على من داوي… النصابة! وما أدراك ما النصابة!!!

النصاب بعدا راه يقدر يكون بائع و يقدر يكون مشتري أيضاً!

ماعليناش…الصباح كنت كانقرا شي مقالات بالإنجليزية على التسوق من المواقع الصينية، باش نعرف الجديد واللعيبات… وانا نلقى واحد المقال عجبني وبغيت نتشارك معاكوم الفائدة اللي فيه.

هاد المقال كايشرح كيفاش بعض البائعين كايتحايلو على القانون ديال السي علي والمواقع اللي بحالو، باش يحافظو على السمعة ديالهوم و البادجات ديالهوم، واخا السيرڤيس ديالهوم يكون مكفس. وها كيفاش كايديرو.. (شوف تيڤي هههههه…وها شنو وقع…)

ملي شي كليان كايتعطلو عليه ولا ماكاتوصلوش السلعة كيف ما بغاها، كايتفاهمو معاه أنهم غاديين يعوضوه، بشرط أنه يدير review مزيان ويحط خمسة نجوم فالتقييم ديالو! نوع من الابتزاز، اللي مع الأسف، الزبائن كايقبلوه طمعاٌ فالمصلحة ديالهوم الشخصية، بلا ما يفكرو فالعواقب الخايبة ديال هاد العملية!

داكشي لاش، عافاكوم، واخا تلقاو شي بائع عندو الغاراق ديال النجوم، ويقدر يكون عندو بادج Gold گاع، سيرو قراو التعاليق : تقدرو تلقاو تعاليق سلبية وكاتتشكى من البائع ولا المنتوج، و واخا هاكاك كاينة خمسة نجوم (نتيجة الابتزاز اللي هدرنا عليه!). ديك الساعة عيقوا : داك البائع غير شاري السمعة ديالو!!!

********************************

في مصلحة الجميع، إيلا تعرضنا لبحال هادشي من طرف البائع، نسينياليو باباه! السي علي راه ماعندو كيدير لهاد النوع من الباعة إيلا ماتشكى منهوم حتى واحد.

هذا من جهة. أما من جهة أخرى : ها وذني..! واياك شي وحدة ولا شي واحد يمشي يقرا هادشي اللي كتبت ويستوحي الفكرة من هاد العملية ويبقى يتفاهم مع الڤوندور باش يربح فلوس ولا سلعة، مقابل شهادة زائفة فيها خمسة نجوم!!!

إيوا الحاصيل… بون شوپينغ!

🤗🤗🤗🤗🤗

ملحوظة : الله يرحم الوالدين، إيلا شي واحد(ة) بغا يپارطاجي هاد الموضوع فشي گروپ آخور، مافيها باس، من باب التعاون، يحط السمية ديال الگروپ ديالنا باش يجيونا أعضاء جداد يفيدوا ويستافدو! (نداء إلى بونقيلة، وداك اللي مكسي بديال الناس ههه).

ودمتم سالمين.

 

الرابط الدائم للموضوع على مجموعتنا بالفايسبوك :

https://www.facebook.com/groups/AliExpressPourMarocains/permalink/1966777336919955/

 

عن Soufyane

سفيان يهتم كثيرا بمستجدات عالم التكنولوجيا ويعشق التسوق عبر شبكة الانترنت، عندما يسمح رصيده في بايبال بذلك. خلال أوقات فراغه، يزاول هواية رسم الكارتون.

شاهد أيضاً

الهاتف الخارق Xiaomi Black Shark هدية شركة تشياومي لعشاق الألعاب Gamers

الهاتف الخارق Xiaomi Black Shark هدية شركة تشياومي لعشاق الألعاب Gamers و تستمر مفاجآت تشياومي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *