الرئيسية / شروحات / ما هو اختصار الروابط؟

ما هو اختصار الروابط؟

ما هو اختصار الروابط؟

السلام عليكم،

بما أنني جاوبت واحد الأخ فالمجموعة كان سول على مفهوم اختصار الروابط، ارتأيت باش نحط داك الجواب هنا على شكل منشور مستقل باش يستفدو منو الناس اللي يقدرو يكونو كايتساءلو على نفس الشئ.

😶😶😶😶😶

اختصار الروابط هو خدمة كاتقدمها عدة مواقع عل شبكة الانترنت. هاد الروابط غالبا، و بنسبة كبيرة، كاتكون وسيلة لجمع المال بحسب عدد النقرات (الكليكات) عليها.

أكيد غاديين تكونو تلاقيتو بيها فالانترنت، بالخصوص ملي كاتبغيو تتيليشارجيو شي حاجة… كاتكون غادي ماعليك مابيك حتى كاتلقى راسك : أنقر هنا… إنتظر ستين ثانية… أدخل هذا الرمز… كليكي هنا… لا تسرع يا أبي إننا في انتظارك… حاول مرة أخرى… إرجع من هنا… الموهيم، حتى كايطوالو ليك الوذنين، وكاتبدا تشوف فالپانيني كايبان ليك بحال الكلأ والبرسيم !

هاد اللعيبة، الغرض منها هو أنك تبقى أكبر وقت ممكن على بعض الصفحات، بيدما يدوزو شي إعلانات… والغرض منها أيضا أنك تكثر عدد الكليكات… و زيد وزيد من الحوايج اللي خاصهوم موضوع بوحدهوم…

كيف ما سبق و شرحنا : عدد من خوتنا تخصصوا فهاد الطريقة باش يجمعو المال (وما يسافروش ههه)، ولكن هي طريقة عندها مساوئ أهمها أنها كا تتطلع ليا الدم أنا شخصيا!!!

واخا…

احنا في هذه المجموعة السعيدة كانستعملو الروابط المختصرة ديال گوگل اللي مافيهاش هاد القضية ديال ربح المال : من الفوائد ديالها الإضافية، إلى جانب الاختصار، هو معرفة احصائيات شحال من واحد كليكا عليها.

بالنسبة للي يقدر يگول حتى هي تربح بيها الفلوس…غوغل عاااارف كيفاش يدخل الفلوس بلا ما تحس بيه، وانت فرحان و مستافد معاه ههه.

داكشي علاش كانطلبو من الأعضاء يستعملو غوغل باش يختصرو الروابط ديالهوم.

نجيو دابا للاختصار ديال الروابط في حد ذاته : السبب الوحيد اللي يدفع المستعمل باش يستعمل اختصار، هو باش ما يكونش داك الرابط الأصلي طويل بزاف، ولا عامر بأرقام وحروف كثيرة اللي كاتخسر الجمالية ديال المنشور.

باختصار، الرابط المختصر كايبان زوين و مؤدب! هههه

والله أعلم.

ودمتم سالمين.

 

الرابط الدائم للموضوع على مجموعتنا بالفايسبوك :

https://www.facebook.com/groups/AliExpressPourMarocains/permalink/1974396506158038/

 

عن Soufyane

سفيان يهتم كثيرا بمستجدات عالم التكنولوجيا ويعشق التسوق عبر شبكة الانترنت، عندما يسمح رصيده في بايبال بذلك. خلال أوقات فراغه، يزاول هواية رسم الكارتون.

شاهد أيضاً

Xiaomi-Mi-Band-3-vs-Xiaomi-Mi-band-2

ها علاش خاصك تفكر تشري Xiaomi Mi Band 3…

  السوار الذكي تشياومي مي باند الإصدار الثالث خرج وبدا كايتباع مؤخرا… إيلا كنتي أصلا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.